O 8 de marzo, Día Internacional da Muller, alzamos as nosas voces nas rúas de Ferrol xunto a centos de persoas que loitan pola igualdade e a xustiza.
Desde a Asociación Movilidade Humana, camiñamos xuntas, reivindicando os dereitos de todas as mulleres, especialmente das nosas compañeiras migrantes, que afrontan múltiples barreiras no seu día a día.
Coas nosas pancartas en alto e co lema «Sen nós non se move o mundo», visibilizamos a realidade das empregadas do fogar e os coidados, lembrando que o seu traballo, tantas veces invisibilizado, sostén a vida e a economía.
Tamén marchamos por todas aquelas que aínda non poden alzar a súa voz, polas que loitan en silencio e polas que resisten en cada recuncho do mundo.
Este 8M, reafirmamos o noso compromiso coa sororidade, a igualdade e a xustiza.
Seguiremos na loita, porque un mundo máis xusto é posible e construirémolo xuntas. 
