Xuntas Somos Fortes 2025 – Movilidad Humana – Hasta que la Dignidad se haga costumbre

XUNTAS SOMOS FORTES, TECIDAS INVENCIBLES

¡Lanzamos a 2ª edición do noso proxecto en Ferrol!

Dende a Asociación Movilidad Humana presentamos unha nova edición do noso programa de atención integral para mulleres, con especial foco naquelas que migraron e enfrentan situacións de violencia ou desigualdade.

Visibilizamos non so a violencia de xénero, senon tamén as violencias administrativas:

barreiras no acceso a recursos
trámites complexos
discriminación institucional
exclusión social

Un espacio de apoio emocional, xurídico e social, aberto a todas as mulleres da comarca de Ferrol, sin importar a súa orixe. Non estás soa.

Proxecto financiado pola Deputación da Coruña dentro do programa FOIOOA-2025, Línea EV-2 de tratamento integral para persoas en situación de violencia de xénero.

Traducir al español

O 19 de decembro desenvolveuse a xornada titulada “Violencia que percorre os nosos corpos”, enmarcada no proxecto XUNTAS SOMOS FORTES, TECIDAS INVENCIBLES – 2ª edición. Esta xornada estivo centrada en abordar temas relacionados coa violencia de xénero e outras violencias afíns, ofrecendo contidos útiles e significativos para as mulleres participantes do proxecto.

A actividade concibiuse como un espazo seguro, coidadoso e de confianza, no que se combinaron dinámicas vivenciais, reflexión colectiva e acompañamento profesional. Máis que unha xornada formativa ao uso, tratouse dun encontro vivencial, no que se priorizou o benestar emocional das participantes, o respecto polos ritmos individuais e a creación dun clima de apoio mutuo.

Durante a xornada abordáronse as distintas formas de violencia que atravesan os corpos e as vidas das mulleres, poñendo o foco non só na identificación destas violencias, senón tamén na súa comprensión, prevención e nos procesos de reparación.

Un dos elementos máis significativos da xornada foi a participación activa das propias mulleres, que compartiron as súas vivencias e anécdotas desde unha mirada afastada da victimización, poñendo en valor a forza, a resiliencia e a loita por sanar. Estes relatos foron acompañados e sostidos pola psicóloga do proxecto, garantindo un marco profesional e emocionalmente seguro en todo momento.

Talleres Munay Segura: espazos para crecer xuntas

En Movilidad Humana creemos na importancia de crear espazos seguros para mulleres migrantes, onde poidan:

Conectar

Reforzar a sua autoestima

Identificar as distintas formas de violencia que poden aparecer en calquera contorna

Os nosos «Talleres de Empoderamiento y Autocuidado Munay Segura» están deseñados para visibilizar, previr e coidar, promovendo o apoio mutuo e o autocoidado como ferrameentas de transformación persoal e colectiva.

Inscríbete escribíndonos a: info@mhumana.org

¡Únete a esta comunidade de mulleres poderosas e forma parte deste espazo de transformación e crecemento os venres de 10:00 a 12:00!

Proxecto financiado pola Deputación da Coruña dentro do programa FOIOOA-2025, Línea EV-2 de tratamento integral para persoas en situación de violencia de xénero

Podes inscribirte AQUÍ

Peche de ano | Agradecemento institucional

Desde a Asociación de Movilidad Humana queremos expresar o noso sincero agradecemento á Deputación da Coruña, en especial á área de Igualdade de Xénero, polo apoio recibido ao longo deste 2025 a través do Programa de subvencións a entidades sen ánimo de lucro para o investimento de políticas de xénero (FOIO0B-2025).

Grazas a esta subvención foi posible realizar un investimento total de 1.816,25 €, do cal a Deputación da Coruña financiou o 80 % (1.453,00 €), permitindo mellorar os espazos da entidade e dotarnos de recursos que fortalecen o benestar, o coidado e a atención das mulleres migrantes e das súas familias.

Este apoio non é só económico: é un recoñecemento político e institucional ao traballo comunitario, feminista e interseccional que desenvolvemos día a día, e unha aposta clara por políticas públicas que poñen no centro a igualdade, os coidados e os dereitos das persoas.

Pechamos o ano agradecidas, reforzadas e comprometidas a seguir construíndo, xuntas, espazos máis xustos, dignos e libres de violencias.

Grazas por camiñar ao noso lado